قالین صنعتی نینگ اقتصادی و ساغلیک تآثیری
پروین فیضمزار شریف
قالین
افغانستان شمالیده گی کوپینچه ترکمن و اوزبیک عیاللر قالین توقیش صنعتینی بیله دیلر
بلخ ولایتی نینگ شورتیپه اولوسواللیگی اکثرآ ترکمن خلقی یشه ب کیله دی منطقه دیر. اوشبو اولوسواللیک قوشنی اوزبیکستان چیگره سیده گی آمو دریا یانیده جایلشکن
شورتیپه اولوسواللیگی اوزینینگ چیرایلی قالین و گیلملری بیلن مشهور. شورتیپه کوچه لریدن یورگنیزده هربیراویدن قالین تراغی نینگ سیسی قلاغیز گه چلینیب توره دی
مین ایسه کوتیلمه گن مهمان کبی قالینتراغی نینگ سیسنی پایلب بیر اوی تامان یول آلدیم. اویگه کیریشیم بیلن یغاچ تگیده گی ایککی قالین کارگاه سیگه کوزیم توشه دی
کارگاه لرنینگ بیریده تورت چرایلی ترکمن قیزلر قالین توقیش بیلن بند، ایککینچی سیده ایسه بیر نیچه عیاللر گیلم توقیب اولتیرگنلر
یقینراغ باریب کورسم، باشیده قسبه توپپی کیگن ترکمن آنه خانلر بیر قطار یاش قیزلر و کیلین لرنی اوز اطرافیده توپلب، قالین و گیلم توقیشنی اورگه تیب تورگن ایکن
اقتصادی یاردم
مین کیلگن اوشبو عایله ده اون دن آرتیغ کیشی یشه یدی. اوشبوعایله ده عیاللرنینگ کسبی یگانه درامد منبع سی سنله دی
قالین توقی یاتگان قیزلرهر کونی عین ایش بیلن شغللنه یاتکنیدن سوز یوریتیب، درس یا مکتب اوقیشگه عایله لری تمانیدن رخصت بیریلمه یشیدن سوز یوریته دیلر
قالین توقوچیلر
قالین صنعتی افغانستان نینگ اینگ درامدلی بویوملریدن سنله دی
حنیفه اسملی قیزلردن بیری، آته سی براوگه محتاج بولمسلیگی اوچون ایرته دن آقشامگه چه قالین توقیشیدن سوز یوریته دی
حنیفه، کیچه – کوندوزینی بیر قیلیب توقیگن ینگی قالینینی توگش عرفه سیده لیگیدن خرسند، چونکه آته سی بو ایشی نینگ مکافاتی اوچون اونی نوروز بیره میده شهرگه آلیب باریشینی سوز بیرگن
اما شهرگه باریش بیر تماندن اونی قیغوگه سالماقده. چونکه حنیفه: "شهرده بولگنیمده درس- تعلیم نی اورگنگن بولر ایدیم." دیب اوفسوسلنه دی
ساغلیک قیینتچیلیک
داروغی بوتون جهان کیتگن افغانستان قالین لری عینآ حنیفه کبی یاش قیزلرنینگ صنعتچی قولری بیلن توقیله دی
بوندن علاحیده بیر نرسه نی تآکیدلش لازم که قالین توقیش هم اوزیگه خاص مشقتلری بار و اونی توقی یاتکانلر اوچون آسان کیچمه یدی
بعضی بیرحاللرده قالین توقی یاتکان عیاللر تورلی خیل ساغلیک قیینتچلیکلر بیلن دوچ کیله دیلر. ایریم عیاللر ایسه اوز ایشینی باشگه ایتکزیش اوچون ایرته دن آقشامگه چه چومچه ییب اولتیریب، جان آغریغینی سیزمه یشی اوچون تریاک دن فایده لنه دیلر
قالین توقوچیلر
کوپینچه قالین توقوچی عیاللرنینگ اوزلری و یا کیچیک باله لری یاتیشی اوچون بنگوار ماده سیدن فایده لنه دیلر
همده قالین توقوچی عیاللر چقه لاق باله لری، اولرنینگ ایشیگه خلل بیرمسلیگی باعث باله لریگه هم تریاک بیریب، یاتقیزه دیلر
آنه خان سلیمه: "بومنطقه ده بعضی بیر عیاللر قالین زحمتی کوپلیگی اوچون تریاک ییه دیلر ویا چیکیب، چرچه گنینی سیزمه یدیلر. منه شو نیبرم 10 یاشیده بولگن و حاضر ایسه کسل، اونینگ آنه سی تریاک بیریشیم نی ایته دی."
شفاکارلرگه کوره، اوشبو مسئله باله لرنی چقه لاقلیگیدن باشلب تریاک و باشقه بنگوار ماده لرگه معتاد بولیشیدن سوز یوریته دی
افغانستان خلقی نینگ قینب تورگن قیینتچلیکلریدن بیری بو ایش سیزلیک معماسی دیر. هرچند قالین توقیش بیر تماندن عایله لرنینگ اقتصادیگه یاردم ایتیب، قول صنعتی نی رواجله نیشیگه سبب بولسه، باشقه تماندن توقوچی عیاللر و باله لرنی حیاتینی هم تهدید ایته دی
Geen opmerkingen:
Een reactie posten